Policia e Kosovës ka identifikuar një person në Prizren i cili kishte shtënë me armë zjarri në një aheng, duke rrezikuar të tjerët që ka pasur afër aty, përcjell InLajmi.
Kështu ka njoftuar Policia e Kosovës përmes raportit 24 orësh.
Personi i arrestuar përveç që ka shtënë me armë zjarri, ia ka bërë vetit “sherrin” pasi i ka postuar fotot dhe xhirimet nga momenti i gjuajtjes në rrjetin social “Tik Tok”.
Ndryshe, pas zbulimit të këtij rasti , Policia i ka konfiskuar pistoletën me gazë.
Njoftimi i plotë i Policisë së Kosovës, pa ndërhyrje:
Mbajtje ne pronësi kontroll, posedim apo shfrytëzim i paautorizuar i armës
Prizren, 29 janar 2022
Me datë 28 janar 2022, policia në Prizren ka arritur të identifikoj , te dyshuarin, pas qe ka pranuar informatë me foto si dhe video xhirimet, ku i dyshuari i ka publikuar në rrjetin Social Tik Tok, momentin kur i njëjti ka shtënë me armë zjarri në një aheng.
Me këtë rast i dyshimti ka shkaktuar rrezik të përgjithshëm, duke i rrezikuar edhe te tjerët qe kanë qen ne ketë aheng familjar.
Informacioni ishte publikuar në rrjete sociale, hetuesit policor duke punuar me profesionalizëm kanë arritur të ndalojnë të dyshimtin dhe ti sekuestrojnë armën si:
Pistoletë (me gaze), Carl Ëalther Arnsberg, Nr serik: B17426860G
Për këtë vepër penale u arrestua i dyshimti E.H.
Në lidhje me rastin u informua prokurori kujdestar i cili urdhëroj që rasti të hetohet në procedurë të rregull./InLajmi/
