Ekipi olimpik i Kosovës ka udhëtuar sot drejt Pekinit të Kinës, ku nga data 4 deri më 20 shkurt do të mbahen Lojërat e 24-ta Olimpike Dimërore, përcjell InLajmi.
Ekipi që është nisur sot nga aeroporti ndërkombëtar “Adem Jashari” përbëhet nga 2 skitarët Kiana Kryeziu e Albin Tahiri, si dhe trajneri Agim Pupovci dhe shefi i misionit, Bujar Turjaka.
Për shkak të masave të marra ndaj pandemisë Covid 19, të 4 anëtarët e ekipit kanë dalë negativ në 2 teste për Covid 19.
Ndryshe, përzgjedhësi Agim Pupovci, është shprehur optimist se të 2 skitarët do të përfaqësojnë denjësisht Kosovën.
Njoftimi i plotë i Komitetit Olimpik të Kosovës:
Ekipi olimpik udhëtoi drejt Pekinit të Kinës
Ekipi olimpik i Kosovës ka udhëtuar sot drejt Pekinit të Kinës, ku prej 4 deri më 20 shkurt 2022, do të mbahen Lojërat e 24-ta Olimpike Dimërore.
Ekipi që është nisur sot nga aeroporti ndërkombëtar “Adem Jashari” përbëhet nga dy skitarët Kiana Kryeziu e Albin Tahiri, trajneri Agim Pupovci dhe shefi i misionit, Bujar Turjaka.
Ekipi do të udhëtojë për në Pekin përmes Stambollit të Turqisë.
Për shkak të masave të marra ndaj pandemisë Covid 19, të katër anëtarët e kipit kanë pranuar dy teste negative për Covid 19, një tjetër test do t’iu bëhet me të mbërritur në aeroportin e Pekinit, ndërsa gjatë ditëve të qëndrimit në Fshatin Olimpik, do t’iu bëhen çdo ditë teste.
Para nisjes, përzgjedhësi Agim Pupovci, është shprehur optimist se të dy skitarët do të përfaqësojnë denjësisht Kosovën.
Komiteti Olimpik i Kosovës iu uron udhëtim të mbarë./InLajmi/
