Edhe pse talebanët mohuan të kenë gisht në zhdukjen dhe arrestimin e disa grave, një nga zyrtaret e “Grave Aktiviste Afgane” tha se ata janë përgjegjës për këto ngjarje, transmeton InLajmi.
Pak çaste përpara se burra të armatosur që pretendonin se ishin inteligjentë talibanë përmes një videoje u panë të depertonin në derën e shtëpisë së aktivistes Tamana Paryani dhe ta merrnin atë me vete, ajo regjistroi një video në telefonin e saj duke bërtitur për ndihmë, ndërsa burrat po goditnin derën e saj.
“Ndihmoni, ju lutem, talebanët kanë ardhur në shtëpinë tonë … vetëm motrat e mia janë këtu”, tha Paryani në videon, e cila bëri xhiron e mediave sociale.
Një tjetër grua aktiviste, Parwana Ibrahimkhel, gjithashtu u rrëmbye në mënyrë të ngjashme nga shtëpia e saj. Vendndodhja e të dyjave mbetet e panjohur dhe aktivistët vendas po akuzojnë talebanët se i kanë “arrestuar” më 19 janar.
Të 2 aktivistët kishin marrë pjesë në një protestë më 16 janar në Kabul, kundër kufizimeve të talebanëve ndaj grave.
“Tamana dhe Parwana janë ato zëra të guximshëm për të cilët gratë në Afganistan kanë nevojë tani. Ato të dyja u ngritën me forcë për të drejtat tona themelore,” tha për TRT World Rokhshana Rezai, një bashkëthemeluese e një grupi të quajtur Lëvizja e Grave të Fuqishme Afganistan.
“Ata të 2-ja u arrestuan nga talebanët dhe aktualisht po mbahen nga ta. Ka disa dëshmitarë të arrestimeve të tyre dhe të gjithë thonë se burrat pretendojnë se janë talibanët.”
Zyrtarët talebanë, megjithatë, nuk kishin një deklaratë të unifikuar për zhdukjet e këtyre grave.
Zëdhënësi i talebanëve Zabihullah Mujahid mohoi se ndonjë grua ishte arrestuar, por tha se autoritetet kishin të drejtë “të arrestonin dhe të ndalonin disidentët ose ata që shkelin ligjin”.
Një tjetër zëdhënës, Suhail Shaheen, tha se aktivistja e bëri videon për të kërkuar azil jashtë vendit.
“Nuk ka pasur asnjë incident të tillë,” tha ai.
Megjithatë, ministri i Jashtëm Amir Khan Muttaqi tha se arrestimet mund të jenë bërë nga talebanët.
Ai tha se ka “njerëz të këqij” në mesin e talebanëve që grupi po i dëbon.
Që kur pushtuan vendin më 15 gusht të vitit të kaluar, talebanët i kanë kufizuar gratë nga disa punë jashtë fushave të shëndetësisë dhe arsimit.
Vajzave adoleshente iu tha të qëndronin në shtëpi nga shkolla derisa të krijohej një “mjedis i sigurt mësimi”. Këtë muaj, talebanët premtuan se të gjitha vajzat do të kthehen në shkollë deri në fund të marsit.
Grupi është akuzuar për arrestimin dhe rrahjen e aktivistëve dhe gazetarëve.
“Këto arrestime përfaqësojnë një përshkallëzim të frikshëm në goditjen e talebanëve ndaj lëvizjes për të drejtat e grave,” tha drejtoresha e asociuar për të drejtat e grave në Human Rights Watch, shkruan TRT.
“Ne kemi parë aktiviste të të drejtave të grave duke protestuar shumë rregullisht në rrugët e Kabulit, por pamë një përshkallëzim të vërtetë me talebanët duke përdorur gaz lotsjellës si dhe duke u përfshirë në dhunë fizike” .
