Aktorja Yllka Gashi është shprehur e lumtur se ka pasur fatin dhe kënaqësinë që në filmin “Zgjoi” të portretizojë Fahrije Hotin nga Krusha e Madhe, e cila gjatë luftës së fundit në Kosovë ka humbur bashkëshortin, përcjell InLajmi.
Filmi “Zgjoi” sjell historinë e vërtetë të Fahrije Hotit nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për të siguruar mbijetesën e familjes.
Aktorja Gashi së fundmi ka postuar në rrjetet sociale disa fotografi ku shihet me Fahrije Hotin, të cilën e ka quajtur grua të çeliktë, ndërsa ka theksuar se është inspirim për çdo gjeneratë.
Postimi i plotë i saj:
Fahrije Hoti – kjo grua e çeliktë që nuk u dorëzua para asnjë sfide, që dhimbjen e shndërroi në motiv për punë. Ndërmarrëse e suksesshme, nënë, gjyshe e shoqe e dashur. Inspirim për çdo gjeneratë!
Sa nder e privilegj që të njoh e sa fat e kënaqësi që t’kam portretizu në film!
Foto e parë: Premiera e filmit “Zgjoi” në Prishtinë,
22 Tetor 2021
Foto e 2: Vizitë në fabrikën KB “Krusha”
24 Tetor 2021
/InLajmi/
