Kryetari i Komunës së Prishtinës, Përparim Rama së bashku me përfaqësues nga BE-ja dhe Organizata joqeveritare këtë të premte kanë mbajtur një tryezë diskutimi lidhur me zgjidhjen e çështjes së problemit me qentë endacak, raporton InLajmi.
Për zgjidhjen e këtij problemi, i pari i Prishtinës tha se Komuna e Prishtinës duhet të bashkëpunojë edhe me komunat e tjera.
“Ideja ka qenë që kjo të jetë një tryezë e parë e cila ka me qenë në vazhdimësi, pra e rregullt derisa ta vënë në kontroll problemin me të cilin hasemi me qentë endacak. Pikat të cilat i shqyrtuam është se komunat duhet të punojnë së bashku, pra problemi nuk mund të zgjidhet vetëm në nivelin lokal në Komunë e Prishtinës, por duhet të jetë një bashkëveprim rajonal. Një bashkëveprim gjithë shtetërorë për zgjidhjen e problemeve të qenve endacakë.”tha Rama.
Tutje, Rama njoftoi se do të krijohet një “Focus Group” dhe të ketë një ndërlidhshmëri të nivelit lokal me atë qendrorë, me organizatat joqeveritare dhe me ndërkombëtarët.
“Janë edhe pika tjera të organizimit dhe të ushqimit për qentë nëpër zona të ndryshme se nëse ushqehen janë më pak të rrezikshëm. Nga Ministria e Bujqësisë ka informata se problemet kyqe vinë nga zonat rurale, ku qentë shumohen dhe vetëm lëshohen pa qene të kontrolluar. Kemi marr masa të menjëhershme ne vetëm se tash e kemi nënshkruar kontratën ku me pastrim sterilizim nëse ndodhet ndonjë tufë e qenve e kemi organizatën ku do të merren menjëherë”,tha Rama./InLajmi/
