Profesori universitar Milazim Krasniqi ka reaguar së fundmi lidhur me deklaratat për ndryshimin e kufijve të Republikës së Kosovës, përcjell InLajmi.
Madje, sipas tij ai që e bënë këtë veprim shkelë me të ‘2 këmbët” Kushtetutën e vendit.
Por profesori Krasniqi thotë se nëse dikush e bënë këtë veprim, do të duhej të ndjekej penalisht, pasi që Kosova është shtet i pavarur, demokrat e i pa ndashëm.
Postimi i plotë i tij:
Kushdo që deklarohet në favor të ndryshimit të kufijve të Republikës së Kosovës, me anën e shkëmbimit të territoreve, e shkelë Kushtetutën. Neni 1 i Kushtetutës thotë: 1. Republika e Kosovës është shtet i pavarur, sovran, demokratik, unik, dhe i pandashëm.
Ndërsa neni 2 pika 2 thotë: “ 2. Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm dhe mbrohet me të gjitha mjetet e përcaktuara me këtë Kushtetutë dhe me ligj.” Prandaj kushdo që flet për ndryshimin e kufijve, shkelë Kushtetutën dhe do të duhej të ndiqej penalisht./InLajmi/
