Vjedhja e 2 milionë eurove në tetor të vitit 2020 nga Thesari i Shtetit vazhdon të jetë temë diskutimi në vend.
Një debat i ashpër është zhvilluar sonte mes ish-ministres së Financave asokohe Hykmete Bajrami dhe deputetit të VV-së Arbër Rexhaj.
Rexhaj e ka quajtur skandal vjedhjen e Thesarit të shtetit, duke shtuar se vjedhja i është kryer ish-ministres Bajrami “para syve”.
“Unë nuk mendoj se ka qenë e mirë për institucionin për me u vjedh Thesari, megjithatë mendoj se përbën skandal, pate apo nuk pate faj ti. Unë nuk po them që ke pas faj ti, unë po them që ka qenë skandal, Thesari me tu vjedh para syve është skandal”.
Kësaj deklarate i është kundërpërgjigjur Bajrami e cila tha se ajo nuk është fajtore, duke theksuar se nuk ka pasur asnjë përgjegjësi, përcjell Reporteri.
“Unë s’kam pas mundësi të dyshoj te të gjithë 2 mijë punëtorët e Thesarit. E kemi zënë njerin, e kemi lajmëru te të gjithë institucionet, njeriu sot është në burg dhe ka aktakuzë”, shtoi ajo.
