Presidenti i FIFA-s, Gianni Infantino i ka dërguar letër kreut të Federatës Shqiptare të Futbollit, Armando Dukës, në lidhje me lajmin e fundit të sulmit me tritol në shtëpinë e Dukës, përcjell InLajmi.
Gianni Infantino ka shprehur të gjithë mbështetjen dhe solidarizimin e tij në emër të komunitetit të futbollit ndërkombëtar për Armand Dukën.
Përndryshe kjo ngjarje ka tërhequr vëmendjen e shumë njerëzve, pas sulmit me tritol që ishte vendosur në shtëpinë e Dukës në Durrës.
Letra e plotë e tij:
I dashur President
Mësova me tronditje të madhe dhe trishtim të thellë për sulmin e tmerrshëm në shtëpinë tuaj të hënën në mbrëmje.
Në emër të komunitetit ndërkombëtar të futbollit, dëshiroj të shpreh mbështetjen tonë më të sinqertë për ju dhe familjen tuaj. Mendimet tona janë me ju të gjithë në këtë moment të vështirë.
Shpresojmë që ky mesazh solidariteti dhe mbështetjeje të mund t’ju ndihmojë në këtë moment të vështirë.
I juaj sinqerisht, Gianni Infantino”. /InLajmi/
