Sot në Kosovë pritet të mbajë mot me intervale kohore me diell dhe vranësira të herëpashershme. Rrallë në disa rajone mund të ketë fjolla sporadike bore. Temperaturat minimale pritet të luhaten nga -2 deri në -8 gradë Celsius, ndërsa ato maksimale nga 2 deri në 5 gradë Celsius.
Në Shqipëri, Maqedoninë Veriore, Mal të Zi dhe Luginë nesër pritet mot me alternime mes vranësirave dhe intervaleve kohore me diell. Në Shqipëri kryesisht me kthjellime dhe me vranësira shumë të pakta lokale.
Të premtën rritje e përkoshme e temperaturave, por njëkohësisht edhe shtim i vranësirave. Pasdite priten riga lokale kryesisht të dobëta shiu dhe fjolla lokale bore.
Të shtunën pak më ftohtë dhe me kthjellime dhe fjolla sporadike bore në disa vise në Kosovë, kurse të dielën përsëri rritje e temperaturave ku ajo maksimale pritet të arrijë deri në 8 ose 9 gradë Celsius në Kosovë, shkruan Meeo Ballkan.
Sipas ecurive aktuale sinoptike me daten 1 Shkurt ende ka gjasa të mira për reshje bore në shumicën e territoreve tona, përpos viseve mesdhetare normalisht./MeteoBallkan
