Një ushtar i Gardës Kombëtare të Ukrainës hapi zjarr ndaj kolegëve të tij, duke vrarë 5 dhe plagosur 5 të tjerë.
Pasi kreu krimin ai është larguar dhe ka marrë me vete edhe armën e shërbimit, njoftoi Ministria e Brendshme e Ukrainës, të enjten.
“Një anëtar i Gardës Kombëtare të Ukrainës hapi zjarr me një kallashnikov kundër rojeve, ku 5 persona u vranë dhe 5 të tjerë u plagosën e më pas u arratis me armën e tij”, thanë nga ministria, transmeton abcnews.al.
Sipas ministrisë, ngjarja ka ndodhur natën e së mërkurës ndaj të enjtes në fabrikën Yuzmas në Nipro, në pjesën qendrore të vendit, ku prodhohen raketa transportuese të anijeve kozmike, raketa konvencionale për forcat e armatosura, automjete, mjete industriale etj.
