Rreth 50 specializantë të Klinikave të QKUK-së këtë të enjte kanë protestuar para objektit të Ministrisë së Shëndetësisë për të kërkuar plotësimin e kërkesave të tyre të kahershme, raporton InLajmi.
Siç kanë njoftuar ata, nuk do të ndalen me protesta deri në realizmin e kërkesave të tyre.
“Kërkesat tona janë që specializantët të kenë statusin e tyre, të marrin një pagë të dinjitetshme, po diskriminohemi, nganjëherë nuk na dalin pagat në kohë, nganjëherë s’na dalin fare. Çdo kujdestari duhet të na paguhet , ne nuk paguhemi asnjë centë. Janë po ashtu 9 specializantë që janë nga Mali i Zi, Shqipëria, Maqedonia që nuk paguhen. Do të vazhdojmë me protesta sipas rekomandimeve të IKSHPK-së. Pra, sot ishim vetëm 50 veta sepse respektuam masat e rekomanduara nga IKSHPK”,tha njëri nga përfaqësuesit e Këshillit të Specializantëve.
Të pyetur se a kanë pasur takim me ministrin e Shëndetësisë, ata thane se përveç premtimeve nuk ka pasur diçka konkrete./InLajmi/
