I pari i komunës së Malishevës, Ekrem Kastrati, ka pritur në takim Halil Kastratin, përcjell InLajmi.
Kastrati ka bërë të ditur se në takim është biseduar për bashkëpunim dhe se Komuna e Malishevës hap dyert për shoqatën bamirëse ‘’Jetimat e Ballkanit’’, në mënyrë që familjeve në nevojë tu jepet ndihma e nevojshme.
Tutje ai ka falënderuar Halil Kastratin për mbështetjen e deritanishme në Komunën e Malishevës.
Postimi i plotë i tij:
Me shumë kënaqësi takova humanistin e madh, njëherit bashkëvendasin tonë, z. Halil Kastrati, që përmes një pune të madhe, të ndershme e të shenjtë, ka gëzuar qytetarë e familje të shumta të kombit tonë.
Vullneti ynë i përbashkët është që sa më parë të hapim një dritare të re të bashkëpunimit, në mes të Komunës së Malishevës dhe Shoqatës Bëmirëse “Jetimat e Ballkanit”, në mënyrë që në Malishevë të jetësojmë projekte për tu dalë në ndihmë familjeve që kanë mungesë strehimi e me kushte të rënda ekonomike.
Faleminderit nga zemra Halil, për përkrahjen e deritanishme të komunës së Malishevës, dhe që për asnjë moment nuk u ndale në këtë mision tëndin kaq fisnik./InLajmi/
