Gazetari Dukagjin Gorani ka thënë se qëndrimi i të dërguarit të Presidentit Joe Biden për Ballkanin Perëndimor, Gabriel Escobar për shkëmbimin e territoreve është i ngjashëm me atë të administratës Trump.
Gorani në emisionin Pressing në T7 tha se përgjigja e tij për shkëmbim të territoreve është e përsëritje e përgjigjeve të administrative amerikane të mëhershme.
“Mendoj që përgjigja e Escobarit për shkëmbim të territoreve është shumë karakteristike, pasi që është përgjigje cila është përsëritje e përgjigjeve dhe qëndrimeve të administratës amerikane të mahershmne, është replikim i plotë i qëndrimeve të mëhershme”, tha Gorani.
Escobari në një intervistë, sa i përket shkëmbimit të territoreve tha se “Çdo marrëveshje përfundimtare dhe elementet e saj duhet të jenë të pranueshme nga populli i Kosovës dhe nga ai i Serbisë. Shtetet e Bashkuara kurrë nuk ua kanë dhe kurrë nuk do t’ua imponojnë kushtet dhe parametrat as Kosovës e as Serbisë. Të 2-ja, Kosova dhe Serbia, janë shtete sovrane”.
Ndërsa, Gorani thotë se qëndrimi i Escobar lë hapësirë se SHBA-të nuk do të jenë kundër nëse palët merren vesh për cka do që Kosova dhe Serbia bien në dakord.
“Nëse e kishim pyet na Escobar ca ki dashtë me thonë me këtë përgjigje, ai ka me të thonë saktësisht atë që e kam thënë. Pra na mbetet neve pak me spekulu, pak me interpretu, e pak me jep qëndrimet tona qysh na e shohim, sipas meje, përgjigja e tij në këtë pyetje, dhe qëndrimi i tij se çfarëdo që palët merren vesh, unë e interpretoj si mos përjashtim të këtij opsioni, është mos përjashtim eksplicit. Unë mendoj që në këtë pik çfarë është shkëmbimi i territoreve dallojnë fundamentalisht qëndrimet e zyrtarëve si Borrell e Escobar. Borrell në këtë pikë ish përgjigj shkurt: nuk ka ndryshim të kufijve, BE-ja nuk e përkrahë një zgjidhje të tillë. Qëndrimi i Esciobar le hapësirë që në fund nëse palët merren vesh për çka do që merren vesh, na nuk jem dosido kundër apo për cilido opsion”, tha Gorani.
