Ish-ministri i Shëndetësisë së Kosovës, Armend Zemaj, në mbledhjen e Komisionit Parlamentar për Shëndetësi ku po raportohet për menaxhimin e pandemisë së koronavirusit, ka kritikuar Ministrinë e Shëndetësisë për situatën epidemiologjike në vend, raporton InLajmi.
Zemaj ka thënë se i intereson ta dijë arsyen se pse është bërë rritja e numrit të rasteve me koronavirus, nga paaftësia, mungesa e informacionit apo nga neglizhenca.
“Ne jemi në situatë pandemike dhe duke u përballur me një rritje të jashtëzakonshme të numrit të infeksionit. Na intereson nëse është nga paaftësia qeverisëse të shohim çfarë mund të ndihmojm në këtë pjesë, nëse është nga mungesa e informacionit dhe neglizhenca që është parë nga këta 3 muajt e fundit, pa dashur që detyrimisht të ju bëjë juve pjesë të kësaj, sepse këtë logjikë e kemi parë edhe në pjesën e parë të vitit të kaluar ku pasojat janë evidente verës, që ndërlidhen edhe me masat, që masa e sfidonte masën, dhe kjo logjikë duket se ju është dërguar dhe ju e keni përkrahur në muajin janar”, ka deklaruar Zemaj./InLajmi/
