Ish-ambasadori i Kosovës në Washington, Avni Spahiu ka thënë se Serbia nuk po tregon interesim për marrëveshje finale.
Presioni i Bashkimit Evropian (BE) për të 2 palët është shtuar ditëve të fundit, në mënyrë që të arrihet një rezultat.
Për këtë, sipas Avni Spahiu, Serbia nuk treguar interesim që të ketë marrëveshje finale.
“Duhet të ketë një marrëveshje finale në qoftë se ka vullnet nga të 2 palët, por deri më tash Serbia nuk ka treguar në asnjë moment një vullnet të mirë apo një interesim që të ketë një marrëveshje finale por insiston vetëm në implementimin të ashtuquajturit asociacion pa ofruar në të vërtetë asgjë ndaj Kosovës”, tha ai.
Ai thotë se Republika e Kosovës ka bërë mjaftueshëm kompromise.
Sipas tij, qeveria duhet të dialogojë në mënyrë serioze duke mos bërë kompromise që kushtojnë, tha ai për Front Online.
“Mendoj se Kosova tashmë nuk duhet të përdorë togfjalësh, kompromise të dhimbshme sepse Kosova ka bërë kompromise mjaftë, dhe tani Kosova në interesin e Kosovës është që të shoh në tavolinë një marrëveshje për normalizim që ka për brenda edhe njohjen ndërsjellë midis 2 vendeve”, tha Spahiu.
