Danimarka po planifikon të heqë kufizimet e saj ndaj Covid-19 më 1 shkurt, pavarësisht infeksioneve rekord, pasi shkalla e lartë e vaksinimit të saj konsiderohet e mjaftueshme kundër variantit më të butë Omicron, transmeton InLajmi.
Nëse një komision parlamentar miraton propozimin e qeverisë të mërkurën, Danimarka do të bëhet vendi i parë i Bashkimit Evropian që heq kufizimet pavarësisht nga vala Omicron që përfshiu kontinentin, sipas një sondazhi të zyrave të AFP-së.
Megjithatë, Danimarka do të mbajë disa masa kufitare për 4 javë të tjera, duke përfshirë teste ose izolim të udhëtarëve në varësi të vendit të origjinës së udhëtarëve.
Ndërsa në Suedi autoritetet njoftuan se kufizimet aktuale do të mbeten në fuqi për të paktën 2 javë të tjera.
Sidoqoftë, ministrja e shëndetësisë Lena Hallengren tha në një konferencë për shtyp se “shumica e kufizimeve” mund të hiqen më 9 shkurt nëse “situata është stabilizuar atëherë”.
Ndërsa numri i personave të shtruar në spital me një infeksion Covid vazhdon të rritet mirëpo autoritetet shëndetësore thanë se situata ishte nën kontroll, shkruan The Local dk.
Autoriteti Shëndetësor Danez tha se 35% e atyre që ishin të shtruar në spital, ishin në të vërtetë për një diagnozë tjetër dhe jo me Covid. /InLajmi/
