Raportuesja për Kosovën në Parlamentin Evropian, Viola Von Cramon së fundmi ka reaguar lidhur me lajmet e mira për Kosovën sa i përket përparimit në Indeksin e perceptimit të korrupsionit për vitin 2021 sipas ‘Transparency International’, përcjell InLajmi.
Këtë sukses Von Cramon e ka quajtur si shpërblim të vogël për të gjithë në Kosovë.
“Me të vërtetë lajme të mira për Kosovën sa i përket luftës kundër korrupsionit dhe krimit të organizuar. Kosova ka lëvizur lartë për 17 vende në indeksin e perceptimit të korrupsionit. Shpërblim i vogël për të gjithë në Kosovë”,ka shkruar Von Cramon.
Ndryshe, sot Organizata ndërkombëtare ‘Transparency International’ që merret me luftën kundër korrupsionit në 180 vende të botës, ka renditur Kosovën në vendin e 87 nga 180 vende sa i përket luftës kundër korrupsionit./InLajmi/
