Propozimi i ZRRE-së për shtrenjtimin e energjisë elektrike në vend ka nxitur shumë debat, si në Kuvendin e Kosovës, po ashtu edhe tek qytetarët, përcjell InLajmi.
Organizatori Dibran Hoxha, ka deklaruar se një grup i qytetarëve do të protestojnë nesër lidhur me këtë shqetësim, duke filluar nga ora 12:00.
“Vendosja e bllok tarifës do ta afektojë jetën dhe buxhetin e secilit prej nesh. Gjatë sezonës së dimrit konsumi energjetik i një familje mesatare në Kosovë e kalon në çdo formë 600 KË/h. Kjo do të thotë që nëse një familje e ka paguar një faturë prej 58 eurove me tarifën e re ata do ta paguajë rreth 108 euro për energji elektrike. Përveç që i palogjikshëm ky propozim di t’i pasurojë edhe më tej bizneset në kurrizin e qytetarëve të Kosovës”,tha Hoxha.
Sipas tij propozimi i çmimit të energjisë për bizneset nuk rritet, por kjo i bie që një familje mesatare në Kosovë që synim e ka jetesën apo mbijetesën paguan edhe për bizneset që synim kanë qarkullimin e fitimin
Ndryshe, kryeministri Kurti dje në Kuvendin e Republikës së Kosovës ka thënë se qytetarët mund edhe të shantazhojnë edhe të fantazojnë për mos shtrenjtim apo mos subvencionim të energjisë, por realiteti është se duhet të gjenden para që të paguhet energjia për blerjen e energjisë së importuar./InLajmi/
