Kreu i AKR-së, Behgjet Pacolli, ka reaguar pas deklaratave të deputetit të LVV-së, Dimal Basha në Kuvendin e Kosovës, në lidhje me energjinë elektrike, përcjell InLajmi.
Basha gjatë seancës së Kuvendit tha se “Pacolli e ka shtëpinë e madhe dhe duhet ta paguajë rrymën e shtrenjtë”.
Ndërkaq, Pacolli ka thënë se ka paguar gjithmonë, mirëpo ai ka pohuar se shtëpia e tij funksionon me energji efiçente-alternative.
Postimi i plotë i tij:
Deputeti i partisë në pushtet, sot në debatin parlamentar, para qytetarëve të Kosovës dhe kolegëve, në kontest me tarifat e energjisë elektrike, tha se “Pacolli e ka shtëpinë e madhe dhe duhet ta paguajë rrymën e shtrenjtë”
Në pamundësi për të arritur në radhë për t’u përgjigjur, po e siguroj kolegun tim deputet se;
Jam mësuar gjithmonë të paguaj, por në këtë rast, nese nuk keni pretendime tjera , më duhet t’ju zhgënjej, shtëpia ime, sido që të jetë, ajo funksionon me energjinë e Zotit, d.m.th. me energji eficente-alternative./InLajmi/
