Ministri i Ministrisë së Shëndetësisë, Rifat Latifi së fundmi është takuar me të ngarkuarin e ri me punë pranë Ambasadës së Japonisë në Kosovë, Keisuke Yamanaka, përcjell InLajmi.
Derisa ministri Latifi uroi Yamanaka për detyrën e re, në theks të veçantë e falënderoi për mbështetjen e vazhdueshme të Japonisë për sistemin shëndetësor e në veçanti për përkrahjen konkrete në përgjigjen kundër Covid-19.
Më tej ministri Latifi deklaroi se Japonia vazhdon të jetë një nga partnerët më të fuqishëm të Kosovës në shëndetësi dhe për këtë tha se është mirënjohës.
Njoftimi i plotë i Ministrisë së Shëndetësisë:
Ministri i Shëndetësisë, Rifat Latifi priti në takim të Ngarkuarin e ri me punë pranë Ambasadës së Japonisë në Kosovë, Keisuke Yamanaka.
Ministri Latifi uroi z.Yamanaka për detyrën e re dhe e falënderoi për mbështetjen e vazhdueshme të Japonisë për sistemin shëndetësor e në veçanti për përkrahjen konkrete në përgjigjien kundër Covid-19.
Japonia vazhdon të jetë një nga partnerët më të fuqishëm të Kosovës në shëndetësi dhe për këtë u jemi shumë mirënjohës, theksoi Ministri Latifi, duke shprehur njëherësh gatishmërinë për intensifikimin e bashkëpunimit bilateral në fusha me interes të përbashkët, si në atë të trajnimit postdiplomik për studentët e mjekët tanë të rinj, si në Kirurgji e në fushat tjera mjekësore.
Nga ana e tij, z.Yamanaka konfirmoi përkushtimin për nxitjen dhe fuqizimin e mëtutjeshëm të marrëdhënieve miqësore ndërmjet Japonisë dhe Kosovës, e të vazhdoj tutje mbështetjen për projektet që për qëllim kanë avancimin e shërbimeve shëndetësore./InLajmi/
