Analisti i njohur Blerim Latifi ka komentuar protestën e kuksianëve që u mbajt sot lidhur me masat e reja nga Qeveria e Kosovës, gjegjëssiht atë ku kërkohet doza e 3 e vaksinës për të hyrë në Kosovë, përcjell InLajmi.
Latifi ka thënë se është e turpshme tu ndalohet hyrja në Kosovë, aq më pak kur kjo ndodhë në emër të disa masave.
Ndërkohë ai ka rikujtuar se pikërisht ata që sot po protestojnë i strehuan në shtëpitë e tyre të varfëra qindra mijëra kosovarë të përndjekur nga okupatori serb.
Postimi i plotë i tij, pa ndërhyrje:
E pashë protestën e kuksjanëve në Morinë. Është aq e turpshme t’u ndalohet hyrja në Kosovë! Aq ma tepër që kjo bëhet në emër të disa masave kundër Covid, krejtësisht të paefektshme.
Hiqeni atë ndalesë turpi ndaj vllezërve tanë, të cilët me 1999 i strehuan në shtëpitë e tyre të varfëra qindra mijëra kosovarë të përzënë me dhunë nga ushtria serbe!/InLajmi/
