Problemi kryesor që kohëve të fundit po ndikon në pasigurinë e qytetarëve janë qentë endacak, përcjell InLajmi.
E në lidhje me këtë çështje, Komuna e Gjakovës thotë se edhe pse po merremi me këtë çështje si komunë, ky problem po vazhdon të jetë i pazgjidhur.
Komuna e Gjakovës ka bërë apel tek qytetarët e Kosovës në mënyrë që rreziku nga qentë endacak të eliminohet, të mos i braktisen ata.
Postimi i plotë nga Komuna e Gjakovës:
Të nderuar qytetarë,
Qentë endacak mbesin njëri prej problemeve shqetësuese për sigurinë dhe qetësinë tonë. Kjo edhe përkundër faktit se Komuna e Gjakovës, përmes kompanive të kontraktuara, në vazhdimësi përkujdeset për kapjen, kastrimin dhe sterilizimin e tyre.
Ndikim të madh në shtimin e qenve endacak ka kryesisht braktisja e tyre.
Prandaj, me qëllimin që rreziku nga qentë endacak të eliminohet sa më shumë që të jetë e mundur nga rrugët tona, në mënyrë që të ketë sa më pak qen që vuajnë në mungesë të ushqimit dhe në kushte të vështira klimatike, ju apelojmë që të mos i braktisni qentë tuaj.
Për të gjithë pronarët e qenve të cilët nuk kanë mundësi financiare, ofrohen pa pagesë shërbimet e kastrimit – sterilizimit (vaksinimit kundër tërbimit) në klinikën veterinare “Pro Vet”, me veterinar Blendi Bejdoni, nr: 049217917./InLajmi/
