Përfaqësuesi i Organizatës për Cilësi në Arsim (ORCA), Dibran Hoxha, së fundmi ka kritikuar ashpër Sindikatën e Bashkuar të Arsimit, Shkencës dhe Kulturës e Republikës së Kosovës (SBASHK) pikërisht sot në ditën që njihet si Dita ndërkombëtare e arsimit, përcjell InLajmi.
Hoxha ka ritheksuar ankesat e SBASHK-ut, si ajo për PISA-n.
“SBASHK thotë se PISA na ka bo me hile, se metodologjia e PISA-s nuk është kompatibile me metodat tona të mësimdhënies, në ndërkohë e vetmja gjë kompatibile për ta, është rritja e pagave”,ka thënë Hoxha, i cili po ashtu ka përmendur edhe dallaveret me diploma e plagjiatura në punime.
Postimi i plotë i tij, pa ndërhyrje:
Në ditën ndërkombëtare të arsimit në Kosovë:
76% e nxënësve nuk dinë të lexojnë, të 3-tët nga fundi në PISA 2018 (79 vende pjesëmarrëse).
SBASHK thotë se PISA na ka bo me hile, se metodologjia e PISA-s nuk është kompatibile me metodat tona të mësimdhënies, në ndërkohë e vetmja gjë kompatibile për ta, është rritja e pagave.
Stafi akademik i universiteteve publike, nga 44% Prishtina deri te 65 % Prizreni e Gjilani, NUK i justifikojnë titujt akademik.
Shumica e universiteteve publike shpenzojnë mbi 50% të buxhetit për paga dhe mëditje të stafit akademik, me 75 % Mitrovica dhe 53 % Ferizaji.
Profesorët plagjiatorë vazhdojnë me “iluminu” rinën me shkencë.
Mbi 20.000 diploma të pavlefshme për shkak të dallavereve të kolegjeve private.
Sipas Agjensisë së Statistikave numri i studentëve në vend është 95.335, sa prej tyre do gjejnë punë?! Sa prej tyre angazhohen për me ndryshu këtë gjendje?!/InLajmi/
