Ministrja e Punëve të Jashtme, Donika Gërvalla-Schwarz, ka rezultuar pozitive me Covid-19 dhe tanimë ajo po qëndron e izoluar, përcjell InLajmi.
Lajmin e ka konfirmuar vetë ministrja, ajo tanimë po punon nga shtëpia ndërsa ka njoftuar të gjithë ata që ka takuar ditët e fundit, duke thënë se po ndihet e obliguar të anuloj takimet që ishin të parapara për ditët në vijim.
Gërvalla-Schwarc ka bërë thirrje për vaksinim ku sipas saj është mënyra e vetme për tu mbrojtur nga virusi, pasi që ajo vet është e vaksinuar dhe thotë se po e kalon me lehtë këtë infektim me koronavirus.
Postimi i plotë i saj:
Të dashur miq,
të shtunën kam rezultuar të jem pozitive me Covid-19 dhe kam marrë menjëherë natyrisht të gjitha masat për t’u izoluar menjëherë dhe për të punuar nga shtëpia. Kërkoj falje tek të gjithë ata, takimet me të cilët jemi detyruar t’i anulojmë gjatë ditëve të ardhshme.
Ju lutem, vaksinohuni sa më parë. Vaksinimi është në radhë të parë shprehje e solidaritetit me të moshuarit dhe të sëmurët. Krahasuar me valët e mëparshme të virusit, tek unë duket që vaksinat e marra të kenë ndikuar në përballimin shumë më të lehtë të kësaj vale të virusit. /InLajmi/
