Kryetari i Prizrenit, Shaqir Totaj ka marrë pjesë në premierën e dramës ‘’Një tjetër jetë’’, në teatrin ‘’Bekim Fehmiu’’ në Prizren, të autorit Osman Goranci, përcjell InLajmi.
Totaj ka thënë se kjo dramë na dhuroi plotë emocione duke theksuar se të pranishëm në premierën e kësaj drame me regjisor Kemajl Rysha, ishin një numër i madh i artdashësve.
Tutje ai ka falënderuar autorin e dramës Osman Goranci si dhe regjisorin e aktorët që morën pjesë.
Postimi i plotë i tij:
Premiera e dramës së mrekullueshme, me vlera artistike dhe e ndjeshme, u dha sonte në Prizren në Teatrin “Bekim Fehmiu”. Drama “NJË JETË TJETËR” e autorit Osman Goranci me regji nga Kemajl Rysha dhe me performancë shumë të mirë të aktorëve, u ndoq nga një numër shumë i madhë i artdashësve prizrenas.
Faleminderit autorit, regjisorit dhe aktorëve që na dhuruan shumë emocion./InLajmi/
