Princi Harry kërkon që t’i rikthehet mbrojtja që kishte kur mbante titullin, për të dhe për familjen e tij pasi nuk ndjehet i sigurt. Kjo kërkesë e nipit e ka vënë mbretëreshën Elizabeth në një situatë të sikletshme, në një pikë të vështirë midis familjes dhe detyrave si Mbretëreshë. Së fundmi Harry ka kërkuar një një rishikim gjyqësor të një vendimi të mëparshëm të Zyrës së Brendshme që pengon financimin e mbrojtjes për Harryn, Meghan dhe fëmijët e tyre.
Princi Harry ka deklaruar se “familja e tij ndihet e pasigurt në Mbretërinë e Bashkuar”. Ai ka kërcënuar se do të ndërmarrë veprime ligjore kundër qeverisë britanike nëse ajo nuk ofron siguri për të, ndërkohë që është në Mbretërinë e Bashkuar. Harry mes tensioneve me Pallatin Buckingham, u largua nga detyrat e tij mbretërore në vitin 2020 dhe u transferua në Amerikën e Veriut me familjen e tij. Ai ka paguar një ekip privat sigurie, por avokatët pretendojnë se nevojitet më shumë mbrojtje në atdheun e tij, pasi familja e tij “u është nënshtruar kërcënimeve të dokumentuara mirë neo-naziste dhe ekstremiste”, thuhet në deklaratë.
Duke folur për Us Ëeekly, një nga ekspertet e familjes mbretërore tha se është e vështirë për Mbretëreshën, si gjyshe, të mos jetë në gjendje të ndërhyjë. Mbretëresha nuk mund të dalë kundër qeverisë dhe të kërkojë siguri për nipin. Kjo sepse për momentin, policia thotë se ka kryer një rishikim dhe arriti në përfundimin se kërcënimi konsiderohet i ulët për Harryn.
Që kur u tërhoqën nga rolet e tyre si anëtarë të lartë të familjes mbretërore, Harry, gruaja e tij Meghan Markle dhe 2 fëmijët e tyre kanë humbur mbrojtjen e financuar nga taksapaguesit. Edhe pse Harry ofroi ta paguante personalisht sigurimin në Mbretërinë e Bashkuar për veten dhe familjen e tij, oferta u refuzua.
“Mbretëria e Bashkuar do të jetë gjithmonë shtëpia e Princit Harry dhe një vend ku ai dëshiron që gruaja dhe fëmijët e tij të jenë të sigurt”, tha përfaqësuesi ligjor i Harry-t në një deklaratë.
“Me mungesën e mbrojtjes policore, vjen një rrezik shumë i madh personal. Duka dhe Dukesha e Sussex financojnë personalisht një ekip privat sigurie për familjen e tyre, megjithatë kjo siguri nuk mund të krahasohet me mbrojtjen e nevojshme policore gjatë kohës që janë në MB. Në mungesë të një mbrojtje e tillë, Princi Harry dhe familja e tij nuk janë në gjendje të kthehen në shtëpinë e tij”, tha ai, shkruan Living Shqip.
Sipas burimeve, Mbretëreshës i ishte thënë për procedurat ligjore përpara se ato të bëheshin publike. Kjo mund të shënojë herën e parë që një anëtar i familjes mbretërore ka ngritur padi kundër qeverisë së Madhërisë së saj.
