Papa Françesku ka shprehur shqetësimin për “tensionet në rritje” në Ukrainë, e që sipas tij po kërcënojnë paqen si dhe bëri thirrje për bisedime politike, transmeton InLajmi.
Papa Françesku ka thënë se ai po ndjek “me shqetësim” rritjen e tensioneve në Ukrainë.
“Unë po ndjek me shqetësim tensionet në rritje që kërcënojnë të shkaktojnë një goditje të re për paqen në Ukrainë dhe të vënë në pikëpyetje sigurinë e kontinentit evropian, me pasoja edhe më gjerë”, tha ai të dielën.
Papa në sheshin e Shën Pjetrit, bëri thirrje për lutje
“që çdo veprim dhe iniciativë politike t’i shërbejë vëllazërisë njerëzore dhe jo interesave partiake”.
“Për këtë arsye dhe me shqetësim, nisur nga tensionet aktuale, propozoj që e mërkura e ardhshme, 26 janari, të jetë ditë lutje për paqe”, tha ai, shkruan Trt world.
Papa Françesku bëri thirrjen për dialog për të zbutur krizën gjatë fjalimit dhe bekimit të tij javor për pelegrinët dhe turistët në Sheshin e Shën Pjetrit. /InLajmi/
