Qytetarët e Kukësit nesër në ora 10 do të zhvillojnë një protestë paqësore në pikën kufitare në Morinë, përcjell InLajmi.
Kjo protestë do të bëhet me qëllim të heqjes së pengesës për lëvizje të lirë të shtetasve shqiptarë, të cilët nuk janë të vaksinuar me të 3 dozat e vaksinës kundër Covid-19.
Sipas vendimit të Qeverisë së Kosovës, askush nuk mund të hyjë në Kosovë pa pasur dëshminë e vaksinimi me të 3 dozat e vaksinës.
Lajmin për protestën e ka bërë të ditur organizatori i kësaj proteste Rakip Matmuja përmes një postimi në facebook.
Postimi i plotë i tij:
“Njoftohen të gjithë banorët e rrethit të Kukësit se më datë 24.01.2022 në orën 10 do të zhvillohet një grevë paqësore pranë doganës së Morinit. Për arsye të heqjes së pengesave të lëvizjes së lirë të shtetasve shqiptarë nga ana e Qeverisë së Kosovës. kërkojmë mbështetjen e të gjithëve pasi nuk është protestë politike por paqësore në shërbim të komunitetit”. /InLajmi/
