Zlatan Ibrahimoviq ka zbuluar se ai ishte kontaktuar për këshilla për karrierë nga Kylian Mbappe dhe i tha atij të largohej nga Paris Saint-Germain për t’u transferuar te Real Madridi.
Mbappes i skadon kontrata në verë dhe ende nuk ka marrë një vendim përfundimtar për të ardhmen e tij.
Sulmuesi është sugjeruar gjerësisht për t’u transferuar në Madrid, por ai ende mund të zgjasë qëndrimin e tij në Parc des Princes.
“Vetëm Kylian mund t’ju përgjigjet se ku duhet të shkojë. Varet se çfarë dëshiron, çfarë mendon”, ka thënë fillimisht Ibrahimoviq për L’Equipe.
“Unë, do të kisha shkuar. Por nëse jam PSG, do të përpiqesha ta mbaja. Është ai që do të vendosë. PSG dëshiron ta mbajë atë, natyrisht, por a dëshiron ai të qëndrojë?”.
Tutje ai ka thënë se nëse je menaxher dhe nuk dëshiron që Mbappe të jetë pjesë e ekipit tënd, je nëë punën e gabuar.
“Mendoj se ka edhe klube të tjera që e duan atë: nëse je menaxher, dhe ke mjete dhe nuk dëshiron ta marrësh Mbappen, je në punë të gabuar”.
Ibra tregon se Mbappe e ka pyetur se ku duhet të shkojë dhe përgjigja e tij ishte të shkonte tek Real Madridi.
“Ai më pyeti mua, dhe unë i thashë : “Po të isha në vendin tuaj, do të shkoja te Reali”.
“Kam pasur shansin të luaj në ekipe të ndryshme, vende të ndryshme, me kampionë të ndryshëm dhe kështu mësova dhe u rrita”, transmeton Telegrafi.
Sipas Ibrës, të luash ”jashtë shtëpisë” është një aventurë.
“Të luash në shtëpi gjatë gjithë karrierës është më e lehtë për mendimin tim. Ndërsa nëse i paketoni valixhet dhe shkoni në vende të tjera, është një aventurë”, përfundoi sulmuesi suedez.
