Ditët e fundit shtimi i rasteve me Covid-19 ka dërguar qeverinë aktuale në shtrëngimin e masave anti-Covid, përcjell InLajmi.
Në lidhje me këtë kanë reaguar shumë qytetarë dhe krerë të institucioneve, ndër ta ka reaguar edhe deputeti i Kuvendit të Kosovës, Bekim Haxhiu, sipas tij vendimet që po miratohen nga qeveria janë për tu çuditur.
Haxhiu masat e reja ka thënë se janë totalisht të panevojshme përderisa edhe vet ministri i Shëndetësisë, Rifat Latifi, po i kundërshton këto masa.
Ndërsa ai ka thënë se ky izolim që po i bëhet vendit duke kaluar në ekstremitet në kufi më Shqipërinë janë totalisht të pakuptimta.
Postimi i plotë i tij:
Kjo Qeveri çdo ditë nxjerr vendime nga më të çuditshmet, më apsurdet.
Përderisa Ministria e Shëndetësisë ka vendosur masa kufizuese për Covid-19 tërësisht të panevojshme, ministri Latifi i kundërshton masat që i ka vendosur ministria që ai e udhëheq!!!
Padyshim, shtrohet pyetja:
Kush po e udhëheqë Ministrinë e Shëndetësisë, kush po i vendos kufizimet kur ato po i kundërshton ministri i shëndetësisë Latifi ?
Si ka mundësi që ministri i shëndetësisë t’i kundërshtoj masat që i ka propozuar Ministria e Shëndetësisë dhe që janë vendosur nga Qeveria, a nuk është konsultuar ai fare si ekspert i fushës për këto masa?!
Izolimi që po bën kjo qeveri duke vënë rregulla ekstreme në kufirin me Shqipërinë, por edhe masat tjera kufizuese tashmë në këtë situatë janë të pakuptimta. /InLajmi/
