Pas rritjes së rasteve me koronavirus dhe miratimit të masave të reja nga Qeveria e Kosovës, Ministria e Diasporës ka dalë me një njoftim më në detaje lidhur me masat, përcjell InLajmi.
Nga sot çdo person i cili hyn në Republikën e Kosovës duhet të posedojë një nga këto dëshmi, çertifikatën e vaksinimit me 3 doza (ose me një dozë të vaksinës Janssen dhe dozë përforcuese) kundër Covid 19.
Pastaj certifikatën e vaksinimit me 2 doza (ose me një dozë të vaksinës Janssen) kundër COVID-19, bashkë me testin RT-PCR negativ për COVID-19, jo më herët se 48 orë para nisjes (për udhëtarët që hyjnë në rrugë ajrore) ose 48 orë para mbërritjes në pikën kufitare (për ata që hyjnë në rrugë tokësore).
Ndryshe, shtetasit e Republikës së Kosovës që nuk i kanë 2 doza të vaksinës janë të detyruar të kryejnë karantinim shtëpiak për një periudhë prej 7 ditësh që nga hyrja në territorin e Republikës së Kosovës.
Njoftimi i plotë i Ministrisë së Diasporës:
Njoftim për masat e reja për hyrje në Kosovë
Sipas vendimit të fundit të qeverisë së Republikës së Kosovës, nga data 22.01.2022, çdo person i cili hyn në Republikën e Kosovës duhet të posedojë një nga dëshmitë e mëposhtme:
Certifikatën e vaksinimit me 3 doza (ose me një dozë të vaksinës Janssen dhe dozë përforcuese) kundër COVID-19;
Certifikatën e vaksinimit me 2 doza (ose me një dozë të vaksinës Janssen) kundër COVID-19, bashkë me testin RT-PCR negativ për COVID-19, jo më herët se 48 orë para nisjes (për udhëtarët që hyjnë në rrugë ajrore) ose 48 orë para mbërritjes në pikën kufitare (për ata që hyjnë në rrugë tokësore).
Personat me dëshmi mjekësore nga mjeku specialist i fushës përkatëse se kanë kundërindikacione dhe janë të liruar nga vaksinimi. Personat e tillë duhet të paraqesin testin RT-PCR negativ për COVID-19, të administruar jo më herët se 48 orë para nisjes (për udhëtarët që hyjnë në rrugë ajrore) ose 48 orë para mbërritjes në pikën kufitare (për ata që hyjnë në rrugë tokësore).
Personat nga mosha 12 vjeçare deri në moshën 16 vjeçare duhet të posedojnë testin RT-PCR negativ jo më të vjetër se 48 orë.
Shtetasit e Republikës së Kosovës që nuk i kanë 2 doza të vaksinës janë të detyruar të kryejnë karantinim shtëpiak për një periudhë prej shtatë(7) ditësh që nga hyrja në territorin e Republikës së Kosovës;
Për më shumë inofrmata rreth masava të reja kundër COVD-19 në Kosovë klikoni në linkun e mëposhtëm
