Kanë kaluar 24 vjet që nga sulmi i 2-të nga forcat serbe ndaj familjes Jashari, përcjell InLajmi.
Gjenerali i UÇK-së , Lahi Brahimaj nga Aleanca për Ardhmërinë e Kosovës së fundmi ka thënë se 22 janari ngjallë shumë kujtime nga ditët e lavdisë.
Brahimaj ka treguar se pikërisht para 24 viteve kur është sulmuar familja Jashari në Prekaz, ai kishte qenë së bashku Mujë Krasniqin, Ilir Konushevcin e bashkëluftëtarë të tjerë në Bajram Curr, në banesën e Besnik Krasniqit nga Vranoci.
E derisa, Brahimaj së bashku me shokë ishte në pritje të ksuhteve të përshtatshme për të hyrë në Kosovë, mori lajmin për sulmin ndaj Jasharajve.
“Përderisa në Prekaz Jasharajt arritën të zmbrapsin sulmin e armikut, ne arritëm që me sukses të sjellim në Kosovë 96 armë zjarri, që do të përdoreshin pak javë më vonë për Luftën Çlirimtare”,ka shkruar ai.
Postimi i plotë i tij:
22 janari ngjallë shumë kujtime nga ditët e lavdisë.
( 22.01.1998).Kur 24 vjet më parë u sulmuan familja Jashari në Prekaz, unë isha me Mujë Krasniqin, Ilir Konushevcin e bashkëluftëtarë të tjerë në Bajram Curr, në banesën e Besnik Krasniqit nga Vranoci (kushëri i heroit Adrian Krasniqi).
Ishim në pritje të kushteve të përshtatshme për të hyrë në Kosovë, por lajmi për sulmin ndaj Jasharajve na elektrizoi dhe menjëherë morëm udhë.
Përderisa në Prekaz Jasharajt arritën të zmbrapsin sulmin e armikut, ne arritëm që me sukses të sjellim në Kosovë 96 armë zjarri, që do të përdoreshin pak javë më vonë për Luftën Çlirimtare.
Sot, nuk është as Muja, as Iliri, as dhjetëra Jasharaj, por vetëm dhembja e krenaria, kujtimi i përjetshëm për ta.
Lavdi!/InLajmi/
