Një person nga Carrabregu i Komunës së Deçanit është dërguar pa shenja jete, këtë të premte në Qendrën më të afërt të Mjekësisë Familjare, përcjell InLajmi.
Këtë për Gazetën InLajmi e ka konfirmuar Fadil Gashi, zëdhënësi i Policisë së Kosovës, rajoni i Pejës.
“Sot Policia e Kosovës është njoftuar nga Qendra e Mjekësisë Familjare se ka mbërri një person pa shenja jete, pastaj menjëherë Policia ka dalë në vendin e ngjarjes. Rasti është duke u hetuar dhe nuk mund të japim më shumë detaje se nga kush është gjetur apo shkaku i vdekjes”,bëri me dije Gashi.
Policia, sipas tij e ka njoftuar Prokurorinë dhe në koordinim me ta, trupi i pajetë është dërguar për obduksion, ndërsa ky rast është është cilësuar si hetim i vdekjes./InLajmi/
