Këtë të premte pritet që Qeveria e Kosovës të miratojë masat e reja kundër koronavirusit, kjo për shkak se në vendin tonë ditët e fundit është rritur numri i rasteve me Covid-19, shkruan InLajmi.
Zëdhënësi i Ministrisë së Shëndetësisë, Faik Hoti, për Gazetën InLajmi ka dhënë detaje shtesë në lidhje me miratimin e masave të reja.
Ai potencoi se në këto masa të reja që pritet të miratohen, përfshihet kufizimi i lëvizjes që pritet të jetë nga ora 22:00, kurse gastronomia do të punojë deri në ora 21:00.
Nëse Qeveria i miraton këto masa, nga dita e shtunë do të hyjnë në fuqi.
Hoti tha se hyrja në vendin tonë do të mund të bëhet vetëm me certifikatë me 3 doza ose me 2 doza si dhe një test PCR negativ i bërë jo më herët se 48 orë.
“Qasja në institucione, Qendra Tregtare dhe në lokale të ndryshme do të bëhet me certifikatë të vaksinimit dhe secili qytetarë duhet të ketë më së paku 2 doza ose një dozë të vaksinës kundër Covid-19, ose me dëshmi mjekësore nga specialisti i fushës se ka kundërindikacione që nuk e ka marrë vaksinën kundër koronavirusit ose që janë të liruar nga vaksinimi, por me test PCR negativ për Covid-19, por jo me të vjetër se 48 orë”,bëri me dije Hoti. /InLajmi/