Në fshatin Smrekonicë, gjegjësisht në rrugën Mitrovicë-Prishtinë, këtë të premte ka ndodhur një aksident trafiku, ku si pasojë e kësaj kanë mbetur të lënduar 2 persona, përcjell InLajmi.
“Rreth orës 07:00 të mëngjesit të sotëm në rrugën nacionale Mitrovicë-Prishtinë në segmentin rrugorë në fshatin Smrekonicë është raportuar për një aksident trafiku me të lënduar dhe dëme materiale. Në këtë aksident është e përfshirë vetëm një veturë”,ka bërë me dije për InLajmin, zëdhënësja e Policisë së Kosovës, rajoni i Mitrovicës, Fexhrije Pllana.
Tutje ajo ka njoftuar se të lënduarit janë dërguar për trajtim së pari në spitalin e Vushtrrisë, më pastaj në QKUK.
Ndërkaq, gjendja e tyre është jashtë rrezikut për jetë. /InLajmi/
