Bernd Leno mund të jetë i larguari i radhës nga skuadra londineze, Arsenal.
Portieri gjerman ka humbur vendin e titullarit te Arsenali dhe largimi nga klubi duket i pashmangshëm.
Newcastle United ka shprehur interesim për gjermanin dhe synon ta kompletojë transferimin e tij në afatin kalimtar të janarit.
Transfermarkt ka shkruar se ‘Laraskat’ janë gati t’i ofrojnë vendin e titullarit gjermanit që të jetë i gati për Kupën e Botës me Gjermaninë.
Newcastle është gati të ofrojë 15 milionë euro për transferimin e portierit 29-vjeçar në ST James Park.
Nga ana tjetër sipas ESPN ka gjetur zëvendësuesin e Bernd Lenos dhe ai do të jetë portieri amerikan Matt Turner, përcjell Telegrafi
27-vjeçari ka pasur paraqitje shumë të mira në vitet e fundit në MLS me New England Revolution dhe pritet të kompletojë gjatë ditëve të ardhshme transferimin në Emirates Stadium.
