Pas rritjes së rasteve me koronavirus në venditn tonë, Qeveria e Republikës së Kosovës, ka dalë me një njoftim për qytetarët lidhur me këtë çështje tejet shqetësuese, përcjell InLajmi.
Qeveria u bëënë thirrje qytetarëve që të mos nënvlerësohet varianti i ri i koronavirusit, Omicron, cili është shpërndarë jashtëzakonisht shpejt.
‘’Ky variant i ri kërkon edhe përditësim të masave, me qëllim kryesor ngadalësimin e rritjes së rasteve. Kështu u tha edhe në mbledhjen e sotme të Komitetit për koordinim dhe vlerësim të situatës me pandeminë Covid-19’’, thuhet në njoftim.
Tutje nga Qeveria thonë se masat kundër koronavirust, kanë për qëllim primar ruajtjen e shëndetit dhe sigurimin e funksionimit të sistemit shëndetësorë, në mënyrë që të ngadalësohet përhapja e virusit gjë që mund të shkaktojë mungesë të stafit shëndetësorë si dhe fluksin e madh të pacientëve në spitale.
Njoftimi i plotë i Qeverisë së Kosovës:
Gjatë ditëve të fundit ka rritje të ndjeshme të rasteve pozitive të Covid-19 në vendin tonë.
Instituti Kombëtar i Shëndetësisë Publike ka konfirmuar se pothuajse të gjitha këto raste janë të variantit Omicron, i cili përhapet jashtëzakonisht shpejt.
U bëjmë thirrje që të mos nënvlerësohet varianti Omicron.
Të gjitha informatat nga vendet e tjera dëshmojnë qartë, se ky variant mund të shkaktojë sëmundje të rëndë dhe humbje jete.
Si gjithmonë, mjeti më i fortë dhe më efikas për të mbrojtur vetveten dhe të tjerët përreth nesh, mbetet vaksinimi masiv.
Prandaj vaksinohuni sa më shpejt dhe, në veçanti, merrni dozën përforcuese posa të kalojnë tre muaj pas marrjes së dozës së 2-të.
Ky variant i ri kërkon edhe përditësim të masave, me qëllim kryesor ngadalësimin e rritjes së rasteve. Kështu u tha edhe në mbledhjen e sotme të Komitetit për koordinim dhe vlerësim të situatës me pandeminë COVID-19.
Masat kanë për qëllim primar ruajtjen e shëndetit si dhe sigurimin e funksionimit të sistemit shëndetësor, që të mos rrezikohet nga një fluks i madh dhe i përnjëhershëm i pacientëve nëpër spitale, apo nga mungesa e punonjësve shëndetësorë të infektuar.
Po ashtu, një ngadalësim i tillë do t’u japë kohë për t’u vaksinuar sa më masivisht, qoftë me 2 dozat e para, qoftë me dozën përforcuese.
Respektimi i masave dhe vaksinimi do të na ndihmojë që të kalojmë sa më shpejt valën aktuale dhe me sa më pak pasoja./InLajmi/
