Trajneri i Real Madridit, Carlo Ancelotti, e ka bërë të qartë se nuk ka pasur probleme me 2 sulmuesit , Eden Hazard dhe Gareth Bale, të cilët nuk po ia dalin të zënë vend në ekipin e parë në Bernabeu.
Trajneri italian duket sikur nuk e ka në plan Hazardin, të cilit s’i dha fare mundësi të luajë në gjysmëfinale dhe finale të Superkupës së Spanjës javën e kaluar.
Bale, ndërkohë, ka munguar në disa ndeshje shkaku i lëndimit.
“Asgjë nuk ka ndodhur me Hazardin. Në ekip ka konkurrencë dhe unë duhet t’i zgjedh lojtarët më të mirë në çdo ndeshje. Kjo i prek shumë lojtar, nuk e mohoj dot. Por, asgjë nuk ka ndodhur, Hazardi po stërvitet dhe po e pret thirrjen e trajnerit”, tha Ancelotti të mërkurën në një konferencë për media.
Ancelotti ritheksoi se nuk ka ndodhur asgjë me Bale dhe Hazard, përcjell IndeksOnline
“Asgjë e çuditshme nuk ka ndodhur me Bale dhe Hazard, por puna është se ka konkurrencë dhe trajneri, që jam unë në këtë rast, duhet të vendosë për formacionin më të mirë në çdo ndeshje, ”tha më tej ai.
