Papa Françesku ka dhuruar 100 mijë euro për migrantët e bllokuar në kufirin polako-bjellorus, tha Selia e Shenjtë.
“Ati i Shenjtë ka vendosur të dërgojë një donacion prej 100.000 eurosh për të ndihmuar grupet e migrantëve të bllokuar në kufirin midis Polonisë dhe Bjellorusisë”, tha në një deklaratë Dikasteri për Promovimin e Zhvillimit Integral Njerëzor, organi i refugjatëve të Selisë së Shenjtë,
Në deklaratë thuhet se qëllimi i këtij donacioni është të ndihmojë Caritas-in polak, me qëllim që të zbusë krizën e emigrantëve në kufirin mes 2 vendeve, transmeton Arbresh.info.
Mijëra emigrant, kryesisht nga Lindja e Mesme, veçanërisht nga Iraku, kanë kaluar ose po përpiqen të kalojnë kufirin lindor të BE-së në Letoni, Lituani dhe Poloni që nga kjo verë.
