Të krishterët ortodoksë çdo herë zhyten në ujërat e akullta për kremtimin e Epifanisë pavarësisht temperaturave nën zero e këtë e kanë vazhduar edhe sot, transmeton InLajmi.
Të krishterët ortodoksë në vende të ndryshme të botës u përballën sot me motin e ftofhtë dhe ujërat e ngrira për të marrë pjesë në festën e përvitshme të Epifanisë.
Adhuruesit zbresin në lumenj dhe liqene të akullta përpara se të zhyten sipas traditës për pagëzimin e Jezusit në lumin Jordan.
Pavarësisht se temperaturat bien nën zero në disa zona të Rusisë dhe Evropës Lindore në këtë kohë të vitit, shumë njerëz kjo nuk i ndalë të marrin pjesë në festën e përvitshme fetare.
Në disa zona autoritetet hapën vrima në akull në liqene dhe lumenj dhe ndërtuan shkallë prej druri për të lejuar qasje të lehtë në ujërat e ftohta për të gjithë njerëzit.
Dhe në Serbi, një grup i tërë të krishterësh ortodoksë notuan në lumin Danub për të shënuar Epifaninë.
Tradita në vitet e fundit është bërë edhe nga politikanë e diplomat të ndryshëm, ku presidenti Vladimir Putin dihet se ka marrë pjesë në vitet e mëparshme.
Vitin e kaluar, presidenti rus sfidoi thashethemet për gjendjen e tij shëndetësore duke u zhytur në ujërat e akullta pranë Moskës, shkruan Daily Mail.
Përndryshe dihet se në krishterimin lindor, festa e Epifanisë përkujton Pagëzimin e Jezusit. /InLajmi/
