Forca e Sigurisë së Kosovës ka njoftuar se nesër do të bëhet varrimi i nënoficerit të ndjerë, Besim Bajraktari, i cili vdiq nga një sëmundje të hënën, përcjell InLajmi.
Ndërkaq homazhet nga njësitë e FSK-së do të mbahen në Kazermën ‘’Adem Jashari’’ në Prishtinë në ora 10:00.
Ndërsa sa i përket ceremonisë së varrimit, do të bëhet në orën 14:00 në varrezat e fshatit Batllavë të komunës së Podujevës.
‘’Homazhet në Kazermë nuk janë të hapura për publikun’’, thuhet në njoftim.
Njoftimi i plotë nga Forca e Sigurisë së Kosovës:
Njoftojmë të gjithë pjesëtarët e FSK-së dhe të Ministrisë së Mbrojtjes, se nga një sëmundje e rëndë ka ndërruar jetë nënoficeri i lartë i Forcës së Sigurisë së Kosovës, Rreshterë i parë Besim Bajraktari.
Homazhet nga njësitë e FSK-së, do të mbahen në Kazermën “Adem Jashari” në Prishtinë, me datë 20.01.2022 në ora 10:00, ndërsa ceremonia e varrimi do të bëhet në ora 14:00 në varrezat e fshatit Batllavë, Komuna e Podujevës.
Homazhet në Kazermë nuk janë të hapura për publikun.
Besim Bajraktari ka lindur më 23 Janar 1973 në fshatin Batllavë , Komuna e Podujevës. Ka qenë pjesëtar i UÇK-së, në Komandën e Zonës Operative të Llapit, pas transformimit të UÇK-së ka shërbyer në Shtabin e Përgjithshëm në Trupat Mbrojtëse të Kosovës, dhe që nga themelimi i Forcës së Sigurisë së Kosovës ka kryer detyra dhe pozita të larta të nënoficerit: Në Brigadën e Reagimit të Shpejtë, Komandën e Doktrinës dhe Stërvitjes dhe vdekja e ndau në pozitën e nënoficerit të lartë në Departamentin e Operacioneve dhe Trajnimeve në Shtabin e Përgjithshëm të FSK-së. Pas vetës la bashkëshorten dhe tre vajza./InLajmi/
