Rastet e vjedhjeve në Kosovë janë shpeshtuar së fundmi, bazuar në raportimet e Policisë së Kosovës, përcjell InLajmi. Por një rast që ka ndodhur gjatë 24 orëve të fundit në Skenderaj është jo fort i zakonshëm, ku vëllai vjedh gjësende te motra e tij.
Në Skenderaj, është arrestuar një person i dyshuar se kishte vjedhur një shporet elektrik dhe një makinë për larjen e rrobave, pronë e motrës së tij.
Por ky person nuk ishte ndalur me kaq, ai po ashtu përveç vjedhjes kishte kanosur vëllain dhe babanë e tij kohë më parë, për çka kishte pasur urdhër mbrojtës ndaj familjarëve të tij, të cilin nuk e kishte respektuar.
Njoftimi i plotë i Policisë së Kosovës:
Vjedhje& Mosrespektim i urdhërit mbrojtës
Skenderaj, 17.01.2022 – 14:50. Është arrestuar i dyshuari mashkull kosovar për shkak se kishte vjedhur dhe më pas shitur një shporet elektrik dhe një makinë për larjen e rrobave, pronë e motrës së tij . I dyshuari përveç vjedhjes më parë kishte kanosur vëllain dhe babain e tij për çka kishte pas edhe urdhër mbrojtës ndaj familjarëve të tij, të cilin nuk e kishte respektuar. Me vendim të prokurorit i dyshuari është dërguar në mbajtje për 48 orë./InLajmi/
