Federata e Futbollit e Italisë i ka dënuar me gjoba Milanin, Atalantën dhe Genoan, pas ndeshjeve të xhiros së kaluar në Serie A.
Atalanta u gjobit me 10.000 euro, pasi tifozët e saj bënë thirrje raciste ndaj sulmuesit të Interit, Edin Dzeko, gjatë barazimit pa gola në fundjavë.
Thirrjet raciste erdhën nga Curva Nord, tifozët ultras të Atalantës, të cilëve 35-vjeçari iu përgjigj me gjeste.
Ndërkohë, Milani u gjobit me 3.000 euro, pasi tifozët kuqezinj hodhën shishe të plastikes në fushë në humbjen 2:1 kundër Spezias në San Siro, përcjell IndeksOnline.
Ndërsa Genoa u gjobit me 5.000 euro, pasi lojtarët e saj e vonuan qëllimisht fillimin e ndeshjen për 3 minuta dhe fillimin e pjesës së 2 për 5 minuta.
