- 19 janar 1903 – U zhvillua për herë të parë Turi i Francës (Tour de France), i cili është ende edhe sot një nga garat më prestigjioze të çiklizmit në botë. Turi 2.428 km i gjatë vazhdoi për 19 ditë. Në garë morën pjesë 59 çiklistë, por vetëm 20 prej tyre arritën ta përfundojnë atë. Turin e parë e fitoi çiklisti francez,Maurice Garin.
- 19 janar 1903… Në transmetimet radiofonike u shënua një progres i madh. Me anë të valëve të radios për herë të parë u dërgua sinjal interkontinental. Nuk ka qenë aspak e lehtë bërja e transmetimeve përmes radios, edhe pse në këto çaste ne e përçojmë me lehtësi zërin tonë tek ju. Si rezultat i një pune të gjatë dhe të mundimshme, në fillim nisën transmetimet që shkonin deri në disa metra larg, pastaj distanca e zgjat dhe valët e radios kaluan qytetet dhe shtetet. Ja pra ky sinjal i përcjellë si sot në vitin 1903 ka qenë një mesazh urimi që Presidenti i kohës i Shteteve të Bashkuara të Amerikës (ShBA),Theodore Rooseveltia dërgonte mbretit të Anglisë,Eduardi VII.
- 19 janar 2004… Ka humbur jetën si pasojë e helmimit nga soba (monoksid karboni CO), Kazanxhi (Kazancı) Bedih, ose Gazelhani nga Shanllëurfa (Şanlıurfa). Gazelhan quhet ai që i interpreton bukur gazelet me një shkallë muzikore të caktuar. Profesioni i gazelhanit të famshëm në fakt ka qenë kazanpunues. Ai ka qenë një nga këngëtarët më rëndësishëm të Shanllëurfës, një rreth që ndodhet në rajonin juglindor të Turqisë. Falë Kazanxhi Bedihut u bënë të njohura në Turqi dhe në botë mbrëmjet festive që quajtura “Sıra”, ku këndohen këngë popullore, zhvillohen biseda dhe rituali i kuzhinës tradicionale; mbrëmje ku marrin pjesë me një kureshtje të madhe edhe turistët që e vizitojnë krahinën këto ditë.
- 19 janar 2005… Në Akademinë Mbretërore të Arteve në Londër u hap ekspozita me titull “Udhëtimi 1000-vjeçar i turqve 600-1600”, një ekspozitë që ka zënë vend në memorie. Tema e ekspozitës ishte pasuria artistike dhe kulturore e turqve, e cila fillimisht u përhap nga Azia Qendrore në Stamboll dhe pastaj edhe më tutje. Ekspozita qëndroi hapur për 3 muaj dhe u dhuroi artdashësve një udhëtim të paharrueshëm historik dhe artistik.
19 janari ndër vite
Të ngjajshme Postime
Lajmet e fundit
Kjo faqe kontrollohet dhe menaxhohet nga IN MEDIA GROUP SHPK. Të gjitha materialet në të, përfshirë fotografitë, janë të mbrojtura me të drejta autoriale të In Media Group shpk. Ato nuk mund të kopjohen, të shtypen, të riprodhohen, të modifikohen, të transmetohen ose të përdoren për qëllime të përfitimit pa lejen paraprake të Gazetës Online “In Lajmi”.
Lajmet dhe materialet të vendosura në www.inlajmi.com të cilat janë të huazuara nga mediume apo portale të tjera mbeten e drejtë e patjetërsueshme e mediumeve përkatëse.