Në gjykimin ndaj Sali Mustafës i akuzuar për krime lufte po dëgjohet dëshmitari Fatmir Sopi, raporton InLajmi.
Dëshmitari Fatmir Sopi, në kohën e luftës ka qenë komandant për mbrojtjen civile, zëvendës komandant dhe komandant i brigadës 153 në zonën e Llapit përkatësisht Gollakut.
I pyetur se kur është bombarduar Prishtina nga NATO ku ka qenë në atë kohë, Sopi ka dhënë këtë përgjigje.
“ Në vitin 1999 kanë filluar bombardimet e NATO-s në Prishtinë. Serbia ka marrë një spastrim të përgjithshëm nga Prishtina dhe rrethina e saj edhe nga Podujeva, dhe i kanë ndjekur në drejtim të regjionit të Gollakut. Qytetarët nga Prishtina kanë ikur duarthatë nga shtëpitë e tyre për në fshatrat në Gollak nën kërcënimin e armëve serbe”,rrëfen Sopi.
Ndërkohë, është pyetur edhe për faktin se se si është vepruar në rast se ushtarët e UÇK-së kanë shkelur rregullat, gjegjësisht cilat kanë qenë dënimet që ata kanë marrë.
“Dënimi vërejtje apo çarmatosja e tij. Maksimale pra ka qenë çarmatosja dhe nuk ka marrë më pjesë në luftën e UÇK-së. por interesimi për të marrë pjesë në ushtrinë e UÇK-së ka qenë i madh”,tha më tej ai. /InLajmi/
