Analisti Ilir Ibrahimi, së fundmi ka përshëndetur vendimin për shtrenjtimin e energjisë elektrike, ndërsa ritheksoi se ku veprim duhet përshëndetur, përcjell InLajmi.
Edhe pse ky vendim sipas analistit Ibrahimi është i vonuar ai thotë se pritet të ketë debate ndërmjet subjekteve politike derisa uron që debatet të zhvillohen në baza të shëndosha.
Më tej, Ibrahimi kërkoi nga Qeveria e Kosovës që të jep shpjegimet e nevojshme, gjegjësisht pse e sheh të arsyeshme të shtrenjtoj rrymën për disa familje e disa jo.
Postimi i plotë i tij:
Rritja e çmimit të energjisë është një vendim i duhur për të cilin kjo qeveri duhet përshëndetur.
Ka vite që për arsye elektorale, ky vendim është vonuar duke e sjellur gjithë sektorin energjetik para një kolapsi.
Sipas statistikave, janë rreth 200 mijë familje që do të paguajnë dyfish më shumë për energji elektrike se sa deri tani, ndërkohë që për bizneset nuk do të ketë ndryshim.
Ky vendim padyshim se do të nxis debat ndërmjet subjekteve politike.
Uroj që ky debat të zhvillohet në baza të shëndosha, dhe jo i mbushur me populizëm.
Qeveria duhet të jap spjegimet e nevojshme pse e sheh të arsyeshme të shtrenjtoj rrymën për disa familje e disa jo, dhe opozita duhet të ofroj dhe argumentoj qëndrimet e veta./InLajmi/
