Anëtari i LDK-së, Besian Mustafa thotë se qytetarët do të paguajnë më shumë 42 % më shtrenjtë energjinë elektrike sipas propozimit të ZRRE-së.
“Një veprim i tillë do të kërkonte reagim deshëm apo nuk deshëm. Pavarësisht se si matematikisht e prezanton ose merr ca kosto në këtë anë dhe i vendos në anën tjetër në fund të ditës, si shtet, si Kosovë, si shoqëri, pra këto 2 milionë kosovarë që jetojnë në Kosovë, së bashku edhe me bizneset kosovare do të paguajmë 42 % energji me kosto më të lartë sivjet se sa vitin e kaluar”, tha Mustafa.
“Ky 42 % vije nga raporti i vetë ZRRE-së’, shtoi ai në emisionin Pressing në T7.
“Është një fjali në këtë raport që thotë se po të ishte rritja lineare, pra nëse zbatohej për të gjithë njësoj do të ishte 42 %. Mirëpo propozimi i ZRRE-së i cili mori miratimin e qeverisë së tanishme është që për disa blloqe të jetë 0 %, për disa 9 %, që i bie te disa shkon 100 % dhe e kalon 100 % por në total si shoqëri do të paguajmë 42 % më shumë për energjinë gjatë këtij viti”, theksoi Mustafa.
