Janë bërë tashmë 2 muaj nga rezultatet përfundimtare të zgjedhjeve lokale.
Ani pse kryetarët e komunave detyrat i morën, ata nuk kanë arritur ende t’i emërojnë drejtorët komunal.
Një ndër këto komuna është edhe ajo e Gjilanit.
Kjo vonesë sipas kryetarit të kësaj komune, Alban Hyseni ka ndodh për shkak se kanë qenë duke i diskutuar emrat.
Mirëpo, sipas tij, këtë javë pritet që komuna e Gjilanit të bëhet me kabinet.
“Nuk ka ndonjë arsye. Kemi qenë duke i diskutu emrat. Në këtë javë ose në tjetrën”.
Lëvizja Vetëvendosje në Gjilan ditë më parë kanë arrit marrëveshje për të bashkë qeverisur me Partinë Demokratike të Kosovës.
E kjo e fundit, do të udhëheqë me Drejtorinë e Financave, atë të Shëndetësisë, të Bujqësisë dhe të Zhvillimit Ekonomik, shkruan FrontOnline.
Hyseni patë deklaruar se meqë Vetëvendosja ka vetëm 10 asamblistë iu ka imponuar që të bëjë koalicion për të pasur shumicën në asamble.
