Bordi i Zyrës së Rregullatorit të Energjisë (ZRRE) në Kosovë mund të marrë vendim brenda muajit janar për shtrenjtimin e çmimit të energjisë elektrike për të gjithë konsumatorët në territorin e vendit, përcjell InLajmi.
E kjo rritje e mundshme e çmimit të energjisë prej 30 deri në 40% ka ngritur reagime nga qytetarët, e opozita, derisa edhe zëdhënësi i KEDS-it, Viktor Buzhala së fundmi ka reaguar përmes rrjeteve sociale.
“Janë 69% e konsumatorëve që nuk e kalojnë asnjë muaj gjatë vitit shifrën e 600 kWh. Gati 80% e konsumatorëve nuk e kalojnë këtë shifër gjatë muajve të verës. Ndërsa, edhe ata që e kalojnë për 600 kWh të parë paguajnë më lirë”,tha Buzhala.
Ndryshe kjo ngritje e çmimit të faturave të energjisë elektrike në Kosovë, sipas KEDS-it, është e nevojshme për shkak të mungesës së prodhimit vendor të energjisë elektrike dhe shtrenjtimit të saj në bursat ndërkombëtare.
Postimi i plotë i tij, pa ndërhyrje:
Jane 69% e konsumatoreve qe nuk e kalojne asnje muaj gjate vitit shifren e 600 kËh. Gati 80% e konsumatoreve nuk e kalojne kete shifer gjate muajve te veres. Ndersa, edhe ata qe e kalojne per 600 këh te pare paguajne me lire, pra njejte per kete pjese shpenzimit./InLajmi/
