Presidentja e Republikës së Kosovës, Vjosa Osmani e ka kujtuar sot heroin kombëtarë, Gjergj Kastrioti-Skënderbeun, në përvjetorin e 554 të vdekjes së tij, përcjell InLajmi.
Presidentja Osmani tha se krye strategu dhe heroi ynë Skënderbeu me përkushtimin e tij për mbrojtjen e atdheut e krijoi lidhjen e përhershme në mes shqiptarëve por edhe me popujt e qytetërimit perëndimor.
Postimi i plotë i saj:
Sot kujtojmë kryestrategun dhe heroin tonë kombëtar, Gjergj Kastrioti-Skënderbeu, i cili me përkushtimin e tij ndaj mbrojtjes së atdheut, mbrojtjes së vlerave kulturore e etnike të popullit të tij, por edhe me aleancat e fuqishme me popujt evropianë, e krijoi lidhjen e përhershme mes shqiptarëve, por edhe me popujt e qytetërimit perëndimor.
Të përkulemi, Skënderbe!/InLajmi/
